السلام عليكم ورحمة الله وبركاته
اللهم صل على محمد وال محمد
بعد ما الكثير يستفسر عن زيوت الأطفال وعن نعومة شعر الأطفال حبيت افيدكم بتجربتي خصوصا في موضوع جنة ساكنها حبيبي فقلت لو نزلت صورة الزيت مو الكل بيشوفها في الصفحات الا بالوسط وهذا رابط موضوع جنة
http://forums.3roos.com/showthread.php?t=565981
اولا الوراثة لها دور كبير في نعومة وكثافة الشعر
ثانيا الغذاء الصحي + قص اطراف الشعر للتجديد وليكون اكثر كثافة
ثالثا المقومات من اجواء وشامبوهات وزيوت والإهتمام
رابعا طريقة تمشيط الشعر وهي تمشطيه بفرشاة خشنة تناسب فروة الشعر والسن فيه للرضع وفيه للكبار ويكون تمشيطه في جهة واحدة مثلا الاولاد تفريقه على جنب وتمشطيه وبعد ماينشف شكلي بالتسريحة الا تبغيها مثل هذا الولد
راح ابدأ بقصتي مع ابني البكر اول ما انجبته مافيه شعر ولما طلع له كان خفيف جدا وحتى شعرته ناعمة لكن تتكسر :( وكان اكله قليل جدا رحت معاه الطبيب وطلبت تحليل وطلعة النتيجة ان الحديد منخفض عنده بينما نسبة الهيموجلوبين لابأس فيها وماكان احد منتبه الى هالشي
فطلبت من الطبيب يكتب له على وصفة فيتامينات بما انه ماياكل واخذت له حديد لوحده هو المفروض ياخذ نوع واحد وهو الفورجلوبين لان فيه كل شي وبعد ما استخدمتهم بشهر لاحظت ان شعر طفلي ماشاء الله صار :thumbs_up: شعره اكثف من قبل وتعدل قوامه الحمدلله
وهذي بعض الصور للي استخدمتهم الى ولدي طبعا الزيت زيت اللوز الحلو تمسحي الشعر وتكون الكمية وسط وميزته انه خفيف مايحرق شعر الطفل واستخدم شامبو مذركير ومافي مانع لو استخدمتوا حمام زيت فاشكول للي عمرهم فوق السنة والنصف بس حاسبوا وقت غسيل الشعر علشان الطفل مايختنق لما يجي على وجهه :)
وللمعلومية زيت اللوز فيه منه مر وفيه حلو هذا الا استخدمته زيت اللوز الحلو وسعره 5 ريال وبالبحريني نصف دينار عندي صور اوضح في جهازي بس متمللة اصغرهم وهاي الصور جمعتها من النت
وهذا الدواء
هذي صورة الدواء + النشرة
وموضوع جنة في كذا رأي للأمهات ان شاء الله تستفيدوا من تجربتي ومن تجاربهم
وفي الأخير اتمنى تستفيدوا من تجربتي وتدعوا الى اولادي بالهداية والا يعجبها موضوعي الميزان ينتظرها :thumbs_up: